პარლამენტის ყოფილი თავმჯდომარე, “ქართული ოცნების” აღმასრულებელი მდივანი არ გამორიცხავს საგანგებო მდგომარეობის გაგრძელებას 22 მაისის შემდგომაც, თუმცა ფიქრობს, რომ ეს არ შეუშლის ხელს, ახალი სისტემით, 31 ოქტომბრის არჩევნების ჩატარებას:
„ჩვენ უნდა დავაკვირდეთ დინამიკას და ამის მიხედვით განისაზღვრება ის, თუ რამდენად იქნება საჭირო საგანგებო მდგომარეობის ვადის გაგრძელება. ბუნებრივია არაა გამორიცხული, რომ ვადის გაგრძელება გახდეს საჭირო, თუმცა გადაწყვეტილების მიღება მოხდება იმის შესაბამისად, თუ რა მოცემულობა იქნება 22 მაისისთვის.
ერთი თვითაც რომ გახდეს საჭირო საგანგებო მდგომარეობის გაგრძელება, ამ შემთხვევაშიც კი ჩვენ გვაქვს სრული შესაძლებლობა, სათანადო დროში დავასრულოთ საკონსტიტუციო ცვლილებების მიღება, შესაბამისად არავითარი საფრთხე არ შეექმნება ახალი სისტემით, 31 ოქტომბრის არჩევნების ჩატარებას. დრო არის საკმარისი ყველაფრისთვის,” – აცხადებს ირაკლი კობახიძე.