აფხაზეთის უზენაესი საბჭოს თავჯდომარის, თამაზ ნადარეიშვილის შვილი, თავდაცვის ყოფილი მინისტრის, ბაჩო ახალაიას მეუღლე ანი ნადარეიშვილი ემოციური შეფასებებით საქართველოს მე-3 პრეზიდენტის, მიხეილ სააკაშვილის დამსახურებებზე საუბრობს:
“ბატონო პრეზიდენტო,
სამწუხაროდ ბევრმა ირწმუნა სიცრუე და პროპაგანდა და არა ის პროგრესი, რაც თქვენ მოუტანეთ საქართველოს.
მადლობა, რომ გააკეთეთ ის, რაც სხვამ ვერ გაბედა – საქართველო ხელიდან გამოგლიჯეთ რუსულ იმპერიას, ქვეყანას მიმართულება მიეცით, სახელმწიფო დაუბრუნეთ ქართველ ხალხს, დაგვაჯერეთ, რომ ჩვენ – ქართველები ვართ თავისუფალი, ევროპელი ხალხი, რომ ჩვენ თვითონ შეგვიძლია ჩვენი უკეთესი მომავალი შევქმნათ, ახალგაზრდებს მიეცით უნივერსიტეტებში სწავლის საშუალება ყველანაირი “ჩაწყობების” და “მოწყობების” გარეშე.
მადლობა, რომ შეგვაყვარეთ ჩვენი დროშა და ჰიმნი, მადლობა რომ ადამიანებს მიეცით საშუალება პირნათლად და მთელი გულით ემსახურათ თავიანთი ქვეყნისთვის.
დღეს მხოლოდ ერთს გისურვებთ – თავისუფლებას! იმ თავისუფლებას, რომელიც თქვენ სხვებისთვის მოიპოვეთ და დღეს თავად წაგართვეს“, – წერს ანი ნადარეიშვილი ფეისბუქის პირად გვერდზე.
