“ქართული ოცნების” ერთ-ერთმა ლიდერმა, ნინო წილოსანმა, საზოგადოებრივ მაუწყებელზე, გადაცემაში “დღის თემა”, ისაუბრა კორუფციის ფაქტებთან დაკავშირებით და განაცხადა, რომ არავის შერჩება ხალხის და ბიუჯეტის თანხებით გამდიდრება:
“კანონის წინაშე არის ყველა თანასწორი, არანაირი თანამდებობა, მათ შორის, ჩვენი გუნდის ლიდერობაც, არ შეიძლება, იყოს ინდულგენცია, როდესაც საუბარია ისეთი დონის დანაშაულზე, როგორიც არის კორუფცია.
კორუფციას განსაკუთრებულად დიდი მტკივნეული ფაქტორი აქვს, ეს ნიშნავს, რომ ხალხის და ბიუჯეტის ხარჯზე ვიღაც მდიდრდება და, რა თქმა უნდა, ეს ნომერ პირველი საზრუნავი უნდა იყოს ხელისუფლების.
მე ვფიქრობ, ეს გახმაურებული გამოძიებაც ალბათ, დიდწილად, ამ მნიშვნელოვან დატვირთვასაც ატარებს, შემდგომში ეს იქნება უდიდესი პრევენცია, რომ არავის, მათ შორის, ყველაზე მაღალი თანამდებობის პირსაც არ შერჩება ხალხის და ბიუჯეტის თანხებით გამდიდრება“, – განაცხადა ნინო წილოსანმა.
