პარლამენტის 2 მოწვევის ყოფილი დეპუტატი, ხათუნა ხოფერია, სოციალურ ქსელში გამოქვეყნებულ პოსტში, ყოფილ სახალხო დამცველ, ნინო ლომჯარიასთან დაკავშირებით მძიმე შეფასებებს აკეთებს და მის მიმართ, სამართალდამცავების მხრიდან, კონკრეტულ რეაგირებას მოითხოვს:
“ლომჯარია – ორგანიზატორი თუ წამქეზებელი?!
დიახ, როდესაც ხდება მოწოდება – “უნდა გადავკეტოთ ქუჩა!”- რა არის ეს?! წაქეზება თუ ორგანიზება?!
სახელმწიფოს მიერ, არაერთჯერ გაჟღერებული მოთხოვნის, რომ რუსთაველის გამზირი არ გადაეკეტათ, რამე თუ ეს იქნებოდა კანონის უხეში დარღვევა (სისხლის სამართლის თუ სამოქალაქოსი, არსებითი მნიშვნელობა არა აქვს), ლიდერებზე დამოკიდებული ტვინგამორეცხილენის მხრიდან მოხდა ქუჩის განთავისუფლება და ტროტუარზე გადასვლა. სწორედ ამ დროს აკეთებს ქუჩის სასწრაფოდ გადაკეტვის მოწოდებას ვინმე ლომჯარია – არაერთხელ მხილებული ანტისახელმწიფიებრივ ქმედებებში.
ქუჩა იკეტება!!!
ლომჯარია რჩება ტროტუარზე!
მაგრამ… სახეზეა მისი მოწოდების შესრულების წარმატებული ფაქტი!
იჭერენ ქუჩის გადაკეტვაში მხილებულ კანონდამრღვევებს!
არ იჭერენ ლომჯარიას!
ჰოდა, სწორედ ამიტომ მივმართავ სამართალდამცავებს კითხვით:
– როგორ კვალიფიცირდება ლომჯარიას ქმედება? როგორც წაქეზება თუ როგორც ორგანიზება?!…
მესამე არ არსებობს!!!
და ბოლოს! რაც არ უნდა დაერქვას ამ აგენტის მიერ ჩადენილი ქმედების ფაქტს – ის არის დანაშაულის თანამონაწილე!!!
წაქეზებაც და ორგანიზებაც დანაშაულია და მისი ჩამდენი პირი უნდა დაისაჯოს!!!
მოვითხოვ რეაგირებას!” – აცხადებს ხათუნა ხოფერია.
