საქართველოს ეკონომიკის მინისტრის ნათია თურნავას ოპონენტების მიმართ კრიტიკას, პარტია „ახალი საქართველოს“ თავმჯდომარე გიორგი ვაშაძე ეხმიანება და მთავრობას დისკუსიაში იწვევს. გიორგი ვაშაძე აცხადებს, რომ ის პრეზენტაციები რაც გააკეთეს სრულიად უშინაარსოა და ლამაზი სლაიდებით ხალხის გულს ვერ მოიგებენ:
„ჩვეულებრივი არაპროფესიონალები არიან, რომლებიც კაბინეტებიდან ვერ გამოდიან და ჰგონიათ, რომ ლამაზი სლაიდებით ხალხის გულს მოიგებენ. აბსოლუტურად უშინაარსო იყო პრეზენტაციები რომელიც წარმოადგინეს რეალური საქმე საერთოდ არ ჩანს.
რძეს, შაქარს და წიწიბურას თუ ბევრჯერ ვახსენებთ, ეს არ ნიშნავს იმას, რომ ამის უკან რაიმე გეგმა არსებობს. ნუ შეეშინდებათ ამ თემაზე ღია დისკუსიების, შევხვდები ნებისმიერ ეთერში და ვნახოთ ვინ არის უპასუხისმგებლო,“ – გიორგი ვაშაძე.
გიორგი ვაშაძის კომენტარს პარტიის პრესსამსახური ავრცელებს
ინფორმაციისათვის: ნათია თურნავამ ოპონენტების განცხადებებს პოპულისტური უწოდა და განაცხადა, რომ „იმ შეფასებებს, რასაც ჩვენ სხვადასხვა ოპონენტების მხრიდან ვისნმენთ, არის სრულიად ურთიერთგამომრიცხავი, უკეთ მოემზადონ და გაეცნონ პროგრამას, არ მივიღებთ პოპულიზმს“.
ავტორი
თამთა ასლანიშვილი
