მთავრობის მეთაურ ირაკლი კობახიძის მიერ გაცხადებულ ინიციატივას, განათლების სისტემასთან დაკავშირებით, მწვავე შედარებით და მძიმე შეფასებები ეხმაურება საქართველოს მე-5 პრეზიდენტი, სალომე ზურაბიშვილი:
“კობახიძის განცხადება განათლების ახალ რეფორმაზე, 2024 წლის 28 ნოემბრის ანტიევროპულ განცხადებას უტოლდება! ამ ჯერზე არა მხოლოდ ევროპული პოლიტიკური მომავლისგან, არამედ ევროპულ განათლების სისტემისგან გვთიშავს!!!
3+1-ის უმაღლეს სასწავლო სისტემის ციკლზე გადასვლა (ბოლონიის პროცესის 3+2+3-ის სანაცვლოდ), ამას ნიშნავს!
საქართველო ბოლონის პროცესიდან გამოდის (რომელშიც გაწევრიანებამ ოცი წლის წინ განაპირობა ქართველი სტუდენტების უმაღლეს ევროპულ სასწავლებლებში მიღება და მათი წარმატება), ექვივალენტების დაკარგვას, ევროპული უმაღლესი სასწავლო სივრციდან (EHEA) გამოსვლას…
აბა თქვენ იცით! გორელი პედაგოგები აგზავნეთ რუსეთში და თქვენი შვილები კი უძვირეს თბილისის ევროპულ სკოლებში და შემდეგ კერძო ამერიკულ თუ ევროპულ უნივერსიტეტებში!“, – წერს სალომე ზურაბიშვილი ფეისბუქის პირად გვერდზე.
