“პარტიის აკრძალვა – ეს არის ძალადობა და პოლიტიკური დევნა, რაც გინდა “უკეთესი” იყოს ამკრძალველი და რაც გინდა უარესი იყოს “ასაკრძალი” – არჩილ გამზარდია

ანალიტიკოსი, პოლიტიკური ფილოსოფიის დოქტორი არჩილ გამზარდია, სოციალური ქსელის მეშვეობით ეხმაურება, მმართველი გუნდის მიერ დაგეგმილ საკანონმდებლო ცვლილებებს და დაანონსებულ ინიციატივებს:

“პარტიის აკრძალვა – ეს არის ძალადობა და პოლიტიკური დევნა, რაც გინდა “უკეთესი” იყოს ამკრძალველი და რაც გინდა უარესი იყოს “ასაკრძალი”.

არჩევნები ერთადერთი დემოკრატიული ხერხია ვინმეს “აკრძალვის”.

ხელისუფლების უფლება არაა ამ შეჯიბრებითობაში ამგვარი ინტერვენცია.

რაც გინდა არ მომწონდეს რომელიმე პარტია და მსურდეს მისი გაქრობა, ვერასდროს დავუჭერ მხარს მმართველის ხელით მის მოშორებას და მომიწევს იმ პოლიტიკური მონაწილეების მხარდაჭერა, ვინც ჩემთვის შეიძლება მიუღებელიც იყოს“, – აცხადებს არჩილ გამზარდია.