მთავრობის მეთაური, ირაკლი კობახიძე ჟურნალისტებთან კომენტარში, 4 ოქტომბრის საპროტესტო აქციასთან დაკავშირებით, ერთგვარ გამაფრთხილებელ განცხადებას აკეთებს:
“მე მინდა ყველა გავაფრთხილო – ჩვენ არავის დაპატიმრება არ გვიხარია, მაგრამ თუ ვინმე დაარღვევს კანონს, ყველას მოუწევს კანონის წინაშე პასუხისგება. ეს არის ჩვენი მეგობრული გაფრთხილება ყველას წინაშე.
ჩვენ არ გვჭირდება ახალი სინდისის მოძალადეები ციხეში. შესაბამისად, ყველა კიდევ ერთხელ მინდა გავაფრთხილო, თავი შეიკავონ ისეთი ქმედებებისგან, რომლებიც ითვალისწინებს კანონისმიერ მკაცრს პასუხს, ეს არის ჩვენი ძალიან მკაფიო გაფრთხილება.
რა თქმა უნდა, პაატა ბურჭულაძის მიერ დაანონსებული რევოლუცია ვერ იქნება წარმატებული, თუმცა, ბევრი ადამიანი, იმაზე მეტი, ვიდრე წინა შემთხვევაში, შეიძლება აღმოჩნდეს გისოსებს მიღმა. აქედან გამომდინარე, ჩვენი ვალია მათ მიმართ, ისინი ჩვენი მოქალაქეები არიან, ყველა სათანადოდ გავაფრთხილოთ, მერე არ გაუკვირდეთ, თუ კანონი მათ ძალიან მკაცრ პასუხს გასცემს“, – განაცხადა ირაკლი კობახიძემ.
