ბოლო წლებში Facebook-ი მუდმივად ცვლის პლატფორმის ფუნქციონალს, რათა მომხმარებლებსა და ბიზნესებს უფრო მარტივად ჰქონდეთ კომუნიკაცია ერთმანეთთან. ერთ-ერთი მნიშვნელოვანი ცვლილება, რომელიც შესაძლოა უცნაურად აღიქვათ თქვენს ფბ გვერდებზე, არის ფეიჯის “ლაიქების” გაუქმება და მათი ჩანაცვლება მხოლოდ Follow-ით.
რატომ გაუქმდა Page Likes?
„Like“ ღილაკი დიდი ხნის განმავლობაში იყო ფეიჯის პოპულარობის მთავარი მაჩვენებელი, მაგრამ მას ხშირად არ ჰქონდა რეალური მნიშვნელობა. ბევრი მომხმარებელი უბრალოდ აჭერდა „Like“-ს, მაგრამ შემდეგ აღარ ხედავდა ფეიჯის პოსტებს ან საერთოდ არ იყო აქტიური. შედეგად, ლაიქების რაოდენობა ხშირად ვერ ასახავდა აუდიტორიის რეალურ ჩართულობას.
რა განსხვავებაა Follow-სა და Like-ს შორის?
• Like – გამოხატავდა სიმპათიას, მაგრამ არ ნიშნავდა აუცილებლად, რომ მომხმარებელი ხედავდა ფეიჯის პოსტებს.
• Follow – ნიშნავს, რომ მომხმარებელი ირჩევს ფეიჯის პოსტების ყურებას თავის სიახლეების ზოლში.
ამგვარად, „Follow“ უფრო სანდო და რეალური მაჩვენებელია იმ აუდიტორიის, რომელიც რეალურად ინტერესდება ფეიჯის კონტენტით.
რას ნიშნავს ეს ცვლილება ბიზნესებისთვის?
1. ზუსტი აუდიტორია – ახლა ფეიჯის მფლობელები ზუსტად დაინახავენ, რამდენ ადამიანს სურს მათი პოსტების ნახვა.
2. მეტი ჩართულობა – რაოდენობაზე ნაკლებად, აქცენტი კეთდება ხარისხზე და რეალურ კავშირზე აუდიტორიასთან.
3. სტრატეგიის შეცვლა – ბიზნესებს მოუწევთ მეტი ყურადღება გაამახვილონ საინტერესო და ღირებულ კონტენტზე, რათა მომხმარებლები დარჩნენ „Follower“-ებად.
შევაჯამოთ:
Facebook-ის ეს ცვლილება აუდიტორიის გაზომვას უფრო გამჭვირვალესა და რეალურს ხდის. ახლა ფეიჯის წარმატება არ განისაზღვრება ზედაპირული „ლაიქებით“, არამედ იმით, რამდენ ადამიანს რეალურად აინტერესებს თქვენი საქმიანობა და სურს თქვენი კონტენტის ნახვა.
ავტორი
ნინი ხიჯაკაძე
