“იშვიათად ვფიქრობთ იმაზე, რომ ზოგიერთ ძალიან კარგ შვილს ძალიან სამარცხვინო მშობლები ჰყავს” – ფადი ასლი

საპროტესტო აქციაზე დაკავებული აქტივისტის ანუკი ჩრდილელის მამა ამ დღეებში კახა კალაძემ თბილისის საკრებულოს პარტიული სიის მე-10 ნომრად წარადგინა, ამასთან გავცელდა ინფორმაციაც, რომ მამამ საჯაროდ გამოხატა უკმაყოფილება შვილის საპროტესტო აქტივობასთან დაკავშირებით. აღნიშნულთან დაკავშირებით თავისი პოზიცია დააფიქსირა საერთაშორისო სავაჭრო პალატის თავმჯდომარემ, ბიზნესმენმა ფადი ასლიმ:

“ჩვენ ხშირად თანავუგრძნობთ კარგ მშობლებს, რომლებსაც სამარცხვინო შვილები ჰყავთ, მაგრამ იშვიათად ვფიქრობთ იმაზე, რომ ზოგიერთ ძალიან კარგ შვილს ძალიან სამარცხვინო მშობლები ჰყავს.

სწორედ ეს ბავშვები იმსახურებენ ყველაზე მეტად ჩვენს პატივისცემასა და მხარდაჭერას“, – წერს ფადი ასლი ფეისბუქის პირად გვერდზე.