“პლატფორმა 25”-ის თანადამფუძნებელი კოკი იონათამიშვილი კონკრეტული ვიდეოჩანაწერების განმეორებით ნახვის შემდეგ მედიამენეჯერ მზია ამაღლობელის მიმართ უხეშობასა და უფლებების დარღვევაზე საუბრობს:
“ახლა თავიდან ვუყურე კადრებს, სადაც უკვე დაკავებული მზია ამაღლობელი პოლიციის ერთი შენობიდან მეორეში გადაჰყავთ.
გადაჰყავთ უხეშად. მზიას მხოლოდ ერთი ფეხსაცმელი აცვია, მეორე დაკავებისას გასძვრა. მეგობრებმა მეორე ფეხსაცმელი მაშინვე იპოვეს, მაგრამ „ოცნების“ პოლიციამ ფეხსაცმლის მისთვის მიწოდებაზე უარი განაცხადა.
გადაყვანისას დგებუაძე მზიას უშვერი სიტყვებით აგინებს. ზუსტად ამ პერიოდში ის აფურთხებს მზიას, ცდილობს მის დამცირებას და მასზე ძალადობას.
ამის პატიება ან დავიწყება გამორიცხულია“, – წერს კოკი იონათამიშვილი ფეისბუქის პირად გვერდზე.
