ბოდბის ეპარქიის მთავარეპისკოპოსი, მეუფე იაკობი ქადაგების დროს მრევლთან საუბრობს ევროკავშირის მიერ ვიზალიბერალიზაციის შესაძლო გაუქმებასთან დაკავშირებით და კონკრეტულ საკითხებზე ამახვილებს ყურადღებას:
“რის სანაცვლოდ გეუბნებიან ვიზებზე? ოჯახური ღირებულებები რად გინდაო, ხომ? მარტივად რომ ვთქვათ, რა – მაგის პრობლემა არ გიდგათო ქართველებსო, უმცირესობის პროპაგანდა იყოსო, საშიშროება არ არის მაგაშიო. მაგაზე დაგვიჯერებთო და ვიზებს არ წაგართმევთო, ვიზები გექნებათო…
დამეხმარება მაგი ღმერთისკენ სიარულში?! აი, მაგაზე დავფიქრდეთ, რა…
თქვე დალოცვილებო, ვერ გაგვიცანით – ვინ ვართ ქართველები? არც რუსის გვეშინია, არც თქვენი და არც არავის… თუ ოჯახურ ღირებულებებზე, პროპაგანდისაგან ბავშვების დაცვაზე უარს ვიტყვით, ხომ ქრისტეს და ღმერთის მცნებების წინააღმდეგ წავალთ, ხომ?! ერთადერთი ერი ვართ, რომელიც ვიცავთ ამას, კბილებით გაგვაქვს და არ დავთმობთ. ჩვენი ისტორია მაგას უყურებს. ამიტომ, კეთილი ინებეთ და ჩვენთან ურთიერთობა თუ გინდათ ნაღდი, ჭეშმარიტი ურთიერთობა გქონდეთ. რაც კარგია თქვენთან – მივიღებთ, რაც ჩვენთან კარგია – გაგიზიარებთ, ცუდს არ მივიღებთ არც თქვენგან და არცერთი დამპყრობლისგან.
ჩვენი თავი ჩვენადვე გვეყუდნის და არ გვინდა ისე მოვიქცეთ, რომ უცხოეთში ვიღაცებმა გვიწყვიტონ საქმე.
მშვიდობისთვის ერთად ვიზრუნოთ – თქვენი და არც არავისი სათამაშო არ გავხდებით ქართველები“, – განაცხადა ქადაგებისას მეუფე იაკობმა.
