“მაინტერესებს თავის დროზე ეს რატომ არ გაითვალისწინეს ტენდერების თქვლეფაზე დასპეცებულმა სახელისუფლებო ბობოლებმა?” – შალვა ნათელაშვილი

სურამის შემოვლითი გზის გახსნამ, შესაძლოა, პრობლემა შეუქმნას სურამელების ბიზნესს, მიაჩნია შალვა ნათელაშვილს და ხელისუფლებას ამ საკითხი მოგვარებისკენ მოუწოდებს:

“სურამელებმა საკუთარი შრომითა და რუდუნებით შექმნეს უკვე ლამის უცხოეთშიც კი აღიარებული ნაზუქების ბიზნესი, მაგრამ ახალმა ტრასამ, შეიძლება ამ საქმით დაკავებული ხალხი ცარიელ-ტარიელი დატოვოს.

სასწრაფოდაა გამოსაყოფი კეთილმოწყობილი, გადახურული ადგილები, იქვე ჩადგმული თონეებით, ახალი მაგისტრალის პირზე, რათა ორივე მხრიდან მოძრავ მგზავრებს შეეძლოთ გაჩერება და ამ პროდუქციის შეძენა.

მაინტერესებს თავის დროზე ეს რატომ არ გაითვალისწინეს ტენდერების თქვლეფაზე დასპეცებულმა სახელისუფლებო ბობოლებმა?” – წერს შალვა ნათელაშვილი ფეისბუქის პირად გვერდზე.