საგანგებო მდგომარეობის გაგრძელებას ეხმიანება პარტია „ახალი საქართველოს“ თავმჯდომარე გიორგი ვაშაძე და აცხადებს, რომ კარგი მენეჯერი სიტუაციას თვითონ აკონტოლებს და არა პირიქით, როდესაც სიტუაცია მართავს მენეჯერს, როდესაც მთავრობას არ გააჩნია ანტიკრიზისული გეგმა, საგანგებო მდგომარეობის 20 დღით გაგრძელება არ იქნება საკმარისი. მისი განმარტებით მთავრობას მხოლოდ ხელისუფლების შენარჩუნება და პოლიტიკური სარგებელი აინტერესებს:
„მთავრობას არაფერი აინტერესებს გარდა იმისა, რომ როგორმე შეინარჩუნონ ხელისუფლება და მიიღოს პოლიტიკური სარგებელი. აქედან გამომდინარე, ქვეყანა არის მძიმე ვითარებაში. საგანგებო მდგომარეობის 20 დღით გაგრძელება არ იქნება საკმარისი.
რა შეიცვლება 20 დღის მერე?! – არაფერი… გარდა იმისა, რომ გახარიაზე იძახიან კარგი მენეჯერიაო. კარგი მენეჯმენტია ის, როცა ბევრი აკრძალვა გვაქვს?!
– კარგი მენეჯერი ის არის ვინც სიტუაციას მართავს და არა სიტუაცია მართავს მენეჯერს. ძალიან მძიმე ვითარებაში ვართ, აქედან გამომდინარე არაპროფესიონალიზმისა და უცოდინრობის მსხვერპლი ვართ,“ – განაცხადა გიორგი ვაშაძემ.
ავტორი
თამთა ასლანიშვილი
