“დღევანდელი დღე დარჩება, კავკასიის რუსეთის კლანჭებიდან დახსნის თარიღად, მსოფლიო ისტორიაში” – მიხეილ სააკაშვილი

საქართველოს მე-3 პრეზიდენტი, მიხეილ სააკაშვილი პოლიტიკური შეფასებებით ეხმიანება, ვაშინგტონში დონალდ ტრამპის შუამავლობით, სომხეთისა და აზერბაიჯანის მიერ სამშვიდობო ხელშეკრულებაზე ხელის მოწერის თემას:

“უმნიშვნელოვანესი ისტორიული მოვლენა ხდება ხვალ ვაშინგტონში. დონალდ ტრამპის შუამავლობით სომხეთი და აზერბაიჯანი ხელს აწერენ სამშვიდობო ხელშეკრულებას.

ალიევი და პაშინიანი უკვე კარგა ხანია საუბრობენ, მაგრამ ყველაფერი დააჩქარა ამერიკის პრეზიდენტის ჩარევამ. დღევანდელი დღე დარჩება, კავკასიის რუსეთის კლანჭებიდან დახსნის თარიღად, მსოფლიო ისტორიაში.

რუსეთი უკვე ოფიციალურად კარგავს ჰეგემონიას სამხრეთ კავკასიის სამი ქვეყნიდან ორზე და ჯერჯერობით ქოცბანდის მეშვეობით ინარჩუნებს საქართველოს კონტროლს, მაგრამ ამ კონტროლს დიდი დრო ნამდვილად არ უწერია!” – აცხადებს მიხეილ სააკაშვილი.