ქართველი პოლიტიკოსი, იურისტი, ეკონომისტი, სევდია უგრეხელიძე ჟურნალისტებთან კომენტარს აკეთებს ,,სტრატეგია აღმაშენებლის” თავმჯდომარის, გიორგი ვაშაძის მიერ შემუშავებული 8-პუნქტიანი გეგმის შესახებ:
,,როგორც ყოველთვის, გიორგი ვაშაძე არის აქტიური – იქიდანაც კი, სადაც რუსულმა ხელისუფლებამ დაამწყვდია და იგი განაგრძობს მუშაობას, როგორც პოლიტიკოსი და როგორც საზოგადოებისთვის სასარგებლო ადამიანი. ამიტომ, მისი იდეები და პროგრამები ყოველთვის საინტერესოა.
ამჯერადაც, მე რასაც გავეცანი, ძალიან საინტერესოა. ერთის მხრივ იმიტომ, რომ ეხმაურება იმას, რაც უკვე გარეთ ხდება, არის. ჩვენ ვიცით, რომ 4 ოქტომბრის ვადა და შეკრება უკვე დათქმულიც არის გარკვეულწილად რუსთაველის გამზირზე შეკრებილი საზოგადოების მიერ, ვიცით პარტიების პოზიციები. ამიტომაც, ამ ყველაფრის სისტემაში მოყვანა ძალიან მნიშვნელოვანი იყო.
მან შემოგვთავაზა თავისი მოსაზრებები. რა თქმა უნდა, პოლიტიკაში უკეთესია, რომ ყველაფერი ჯერ განხილული ყოფილიყო დახურულ კარს მიღმა და შემდეგ გამოტანილი. მაგრამ ახლა ჩვენ ასეთი ფუფუნება აღარ გვაქვს. ჩვენ ვართ საშინელ „ფოსმაჟორში“ – ამ აგრესიული, არალეგიტიმური ხელისუფლების მხრიდან.
ამიტომ მოვისმინთ ამას კიდევ ერთხელ, გავივლით ამ პუნქტებს, განვიხილავთ და საზოგადოება თავად გამოთქვამს თავის აზრს ამ პუნქტების მიმართ. რა თქმა უნდა, იქნება მოსაზრებები, შესწორებები, ზოგი შეიძლება არ დაეთანხმოს, მაგრამ პრინციპს, რომ ერთიანობა უნდა შედგეს, მათ შორის, ვისაც ერთიანობისთვის საფუძველი და მზაობა გააჩნია.
ჩვენ აღარ უნდა ველოდოთ და არ უნდა ვეხვეწოთ არავის ამ ერთიანობის მოსაპატიჟებლად. ეს არის ცხადი და აუცილებელი.
ვფიქრობ, ეს დოკუმენტი და გიორგი ვაშაძის ინიციატივა ძალიან დაგვეხმარება, მით უმეტეს, რომ ის ასახავს არსებულ განწყობებს და ამავე დროს გვაწვდის ახალს.
მადლობა მინდა გადავუხადო ჩვენს მეგობარს – ნამდვილ, მოქმედ პოლიტიკოსს, გიორგი ვაშაძეს, რომელიც არასდროს ისვენებს, არასდროს იღლება, არასდროს ჩერდება და ყოველთვის მუშაობს იმ მხრივ, რაც საჭიროა ჩვენი საზოგადოებისთვის“, – განაცხადა სევდია უგრეხელიძემ.
ავტორი
მარიამ ხაჩირაშვილი
