ბათუმის შემდეგ ყველაზე ფერად ფესტივალს ქობულეთმა უმასპინძლა. „ზაფხულის ფესტივალს“ საკურორტო ქალაქში უამრავი ვიზიტორი სტუმრობდა. ღონისძიება საზაფხულო დეკორაციებითა და ინსტალაციებით გაფორმებულ ქობულეთის ცენტრალურ პარკში კოსტიუმირებული მსვლელობითა და დრამების შოუთი გაიხსნა. მოგვიანებით კი სცენაზე მსმენელის წინაშე ადგილობრივი და მოწვეული ბენდები „MIX2ra“, „ურსა“, „კახაბერი და ხანუმები“, „პროექტი 33“, „Four up“, „ემოცია“ და „მელომანიაკი“ წარსდგა. ქობულეთის ფესტივალის სტუმრების წინაშე სპეციალური ნომერი წარადგინა ქალთა კამერულმა გუნდმა და DJ ჩიკიმ. საფესტივალე სივრცეში განთავსებული იყო კვების და მოსასვენებელი სივრცეებიც, სადაც სტუმრებს საზაფხულო მენიუს შეკვეთის საშუალება ჰქონდათ. ფესტივალის განმავლობაში მიმდინარეობდა საბავშვო აქტივობებიც პატარებისთვის. „ზაფხულის ფესტივალი“ ქობულეთში აჭარის ტურიზმის დეპარტამენტის ტურისტული პროდუქტების განვითარების სააგენტოს ორგანიზებით გაიმართა.
„აქტიურად გრძელდება ზაფხულის ტურისტული სეზონი აჭარაში. მრავალფეროვანია ღონისძიებების კალენდარიც, როგორც საზღვაო კურორტებზე, ისე მთიან მუნიციპალიტეტებში. ამჯერად, ქობულეთმა უმასპინძლა ულამაზეს ფესტივალს, სადაც სტუმრებს დროის სასიამოვნოდ გატარებისა და კარგი მუსიკის მოსმენის საშუალება ჰქონდათ. რეგიონის სტუმრებს მრავალფეროვან ტურისტულ პროდუქტებს, მიმართულებებსა და სერვისებს ვთავაზობთ და მსგავსი ფესტივალებით, ხაზს ვუსვამთ ჩვენი საზღვაო კურორტების მზაობას ტურისტების მისაღებად,“ განაცხადა აჭარის ტურიზმის დეპარტამენტის ხელმძღვანელმა თინათინ ზოიძემ.
ინფორმაციას ავრცელებს
