რა საფრთხის შემცველია დასავლეთთან დაშორება? – განმარტებებს აკეთებს ფსიქოლოგი, არტთერაპევტი, ფსიქოთერაპიის ცენტრ “კამარა”-ს დამფუძნებელი ნათია ფანჯიკიძე:
“არის თუ არა დასავლეთთან დაშორება ეგზისტენციალური საფრთხე, უმეტესწილად ყოფით აუცილებლობებს ჩამოთვლიან ხოლმე – ემიგრანტები, მედიცინა, კეთილდღეობა და სხვა…
რეალურად კი უფრო დიდი, ნამდვილად ეგსიზტენციალური საფრთხის წინ ვდგავართ, თორემ ზემოთჩამოთვლილის მიღება ჩინეთში და თურქეთშიც შეიძლება (სანამ თურქეთიც ევროკავშირის წევრი გამხდარა).
დასავლეთისგან დისტანცირება ეგზისტენციალური საფრთხეა უპირველესად კულტურული თვალსაზრისით. ფაქტობრივად საქართველო წყდება ქრისტიანულ ცივილიზაციას. ერი კი პირველ რიგში კულტურული ფენომენია.
ევროპასთან ხიდის ჩანგრევა საქართველოსთვის ქმნის ცივილიზაციური, კულტურული და იდენტობის კრიზისის წინაპირობას“, – წერს ნათია ფანჯიკიძე ფეისბუქის პირად გვერდზე.
