ეუთოს საპარლამენტო ასამბლეაზე მიღებულ რეზოლუციასთან მიმართებაში “ქართული ოცნების” დელეგაციის გადაწყვეტილებას მწვავე შეფასებებით ეხმაურება “სტრატეგია აღმაშენებლის” ერთ-ერთი ლიდერი, პაატა მანჯგალაძე:
“როცა სკამი შენთვის უფრო ძვირფასია, ვიდრე საქართველოს ერთიანობა ეს პირდაპირი ღალატია.
ეუთოს საპარლამენტო ასამბლეამ მიიღო რეზოლუცია, რომლითაც სირიას მოუწოდა, ცხინვალისა და აფხაზეთის საქართველოს ნაწილად აღიარება.
ეს იყო ჩვენი ქვეყნის ტერიტორიული მთლიანობის კიდევ ერთი ღია და პირდაპირი მხარდაჭერა.
„ქართულმა ოცნებამ“ კი ამას მხარი არ დაუჭირა.
რატომ? – იმიტომ რომ იმავე რეზოლუციაში ეწერა, საქართველოში დემოკრატია და თავისუფალი არჩევნებია საჭირო.
ასე გაცვალეს სამშობლო ძალაუფლებაზე და კიდევ ერთხელ უღალატეს საქართველოს.
აი, ასეთი პატრიოტები არიან და ასე ესმის სინამდვილეში პატრიოტიზმი “ქართულ ოცნებას”, – განაცხადა პაატა მანჯგალაძემ.
ინფორმაციას “სტრატეგია აღმაშენებლის” მედიასთან და საზოგადოებასთან ურთიერთობის სამსახური ავრცელებს
