“ჩიტმა დაასკინტა მაგ თქვენს კვლევას, პასუხებსაც და თქვენს მოტივებსაც” – ნანუკა ჟორჟოლიანი

დაგეგმილ სოციოლოგიურ კვლევაში “გორბის” მიერ კითხვარში შეტანილ ერთ კონკრეტულ შეკითხვასთან დაკავშირებით საუბრობს, შეფასებებს აკეთებს და ვარაუდებს გამოთქვამს “ნანუკას ფონდის” ხელმძღვანელი, ჟურნალისტი, საავტორო გადაცემის წამყვანი ნანუკა ჟორჟოლიანი:

“ჩიტმა ამბავი მომიტანა, რომ გორბი ატარებს კვლევას, სადაც კითხვებში არის პოლიტიკოსების გრაფა და არაპოლიტიკოსი ჩასმული ვარ მე.

რას ფიქრობთ ნანუკა ჟორჟოლიანზე.

ორი ვერსიაა.

1. ადამიანი ჯერ ცუდს ფიქრობს და ამიტომ პირველ ვერსიად დავწერ რომ ჩემი დაჭერის იდეა არ ასვენებს კობახიძეს:)) და ტესტავს საზოგადოებაში რა რეაქცია მოყვება;

2. არკვევს პოლიტიკაში შესვლა თუ მომინდება (ესეც კობახიძის ბნელი სიზმარი) რა შანსები მაქვს.

ორივე შემთხვევაში ჩიტმა დაასკინტა მაგ თქვენს კვლევას, პასუხებსაც და თქვენს მოტივებსაც“, – წერს ნანუკა ჟორჟოლიანი ფეისბუქის პირად გვერდზე.