ხელისუფლებასა და საპატრიარქოს შორის მოლაპარაკებები საცოდაობაა – ვახო სანაია

ტელეკომპანია “პირველის” ჟურნალისტი, “დღის ამბების” წამყვანი ვახო სანაია, სოციალურ ქსელში კონკრეტულ შეკითხვებს სვამს ქვეყანაში არსებულ მდგომარეობასთან, კორონავირუსით ინფიცირებულთა საეჭვო სტატისტიკასა და ეკლესიაში არესბულ სიტუაციასთან მიმართებაში:

“მხოლოდ ფაქტებს დავწერ.

1. გუშინ შეხვედრა იყო საპატრიარქოში. ნუ, მოვისმენთ, რა პასუხითაც გამოვიდნენ იქიდან. არ დავასწრებ მოვლენებს;

2. დღეს გაირკვა, რომ მღვდელია ინფიცირებული;

3. ასევე დღეს გაირკვა, რომ უცებ 30 ინფიცირებული გვყავს ერთ დღეში, რაც აქამდე არ მომხდარა;

4. ასევე დღეს ვიგებთ, რომ შესაძლოა, საბჭომ ზომების დამატებით გამკაცრების გადაწყვეტილება მიიღოს;

5. ასევე დღეს ვიგებთ, რომ საპატრიარქოს დაცვის თანამშრომელს კორონავირუსი დაუდგინდა;

24 საათში 30 ინფიცირებული. თან ერთ-ერთი კლასტერის წყარო უცნობიაო, გვეუბნებიან. ნუ გასაგებია. აზრებს მიჰყავხარ ტაძრებთან, თან აგერ უკვე მოისმინე, რომ მღვდელია ინფიცირებული. მოკლედ, რისი თქმა მინდა, ხელისუფლებისა და საპატრიარქოს ეს მოლაპარაკებები საცოდაობა რომ არის, ვხედავთ, ამასთან, კიდევ სხვა საკითხია აქ მნიშვნელოვანი – ხომ არ იმართება სტატისტიკა ხელოვნურად?

განა ვინმეს ეჭვი ეპარებოდა, რომ სასულიერო პირებშიც იქნებოდნენ ინფიცირებულები ან ტაძრების კლასტერებიც გაჩნდება. რასაკვირველია, ეს მოსალოდნელი იყო. უბრალოდ, ეჭვი ჩნდება, მიმდინარე საჭიროებების მიხედვით ხომ არ ვიგებთ ინფიცირებულთა რაოდენობის ზრდის შესახებ?

მღვდლის ამბის გამხელა ცოტა ხომ არ დაგვიანდა? საპატრიარქოსთან მოლაპარაკებების პროცესში სტატისტიკა ხომ არ შეყოვნდა ან ტაძრების კლასტერზე ინფორმაცია ხომ არ დაიმალა შემთხვევით ?

რატომ უცებ 30 ინფიცირებულით მატება თუ წინა დღეებში რადიკალურად ნაკლები იყო? რა ვიცი, მაინც ვთქვი რა. ჩემთვის ვფიქრობ,” – წერს ფეისბუქის პირად გვერდზე ვახო სანაია.