თავისი საოცარი შვილების ფოტოებს აქვეყნებს სოციალურ ქსელში სამედიცინო უნივერსიტეტის პირველი საუნივერსიტეტო კლინიკის ხელმძღვანელი ლევან რატიანი და მორიგი სიყვარულის ტალღა ააგორა მის მიმართ. მას, უხილავ მტერთან ომის პირველივე დღეებიდან, უპირობოდ სჯეროდა და სჯერა, რომ ყველაფერი კარგად იქნება და ეს პოზიტივი იმდენად გადამდები აღმოჩნდა, რომ მისი ფეისბუქის გვერდი პოზიტიური პოსტებისა თუ კომენტარების ერთგვარ “კიდობნად” გადაიქცა:
“ლევა მადლობა! მადლობა! და კიდევ ძალიან ბევრი მადლობა მინდა გითხრა! საუკეთესო სკოლის წლები მახსენდება როცა მზრუნველობით რანდენჯერ გამთბარი საკლასო ოთახი დაგიხვედრებია, შეშა ცელოფნით რომ მოგქონდა! მაშინაც ომი იყო, ბნელი 90 იანები… ეხლაც ომია და მჯერა რომ ყველა ქართველს ეხლა შენ ეიმედები! აუცილებლად გავიმარჯვებთ!”
“როგორ შეიძლება არ იამაყო,როდესაც ასეთი ადამიანის გვერდით ხარ”
“როცა ეს ყველაფერი დასრულდება, მოვალ, გნახავ და მაგრად ჩაგეხუტები”
“ვიძახი – რატიანი წყალზე გაივლის მალე-თქო … ისეთ საოცრებებს სჩადის …
ხუმრობა იქეთ იყოს და რამხელა იმედია ეს ადამიანი”
“სულითაც და გულითაც უკვე ყველას გვიყვარხარ, თქვენს სამ ანგელოზთან და ოჯახთან ერთად!”
“ჩემი სიყვარული თქვენ კარგო ადამიანო”
“თქვენ საოცარი პიროვნება ბრძანდებით. თქვენ უფლის საჩუქარი ხართ. თქვენგან უხვად მოდის იმედის ტალღა.კეთილგანწყობილი გული და ხმის ტემპრი თავისი გულწრფელობით უსაყვარლესი ადამიანი ბრძანდებით. ეს კორონა ღირდა იმად რომ თქვენისთანა ადამიანები ახლოს რომ გაგვეცნო. ღვთის წყალობა არ მოაკლოს უფალმა თქვენს ულამაზეს ოჯახს. გწყალობდეს ღმერთი ყველგან და ყველაფერში”
მხოლოდ ბოლო ერთი დღის ნაწილი ემოცია გადმოვიტანეთ პუბლიკაციაში, არადა უამრავი სამადლობელო თუ მხარდამჭერი პოსტია გამოქვეყნებული ლევან რატიანის ფეისბუკის პირად გვერდზე, დიდი იმედები და სიყვარული კორონავირუსის წინააღმდეგ მებრძოლი ექიმის მისამართით, ექიმის, რომელსაც უპირობოდ სჯერა, რომ ამ ბრძოლაში ჩვენ გავიმარჯვებთ გადავრჩებით და “ისევ მოვა გაზაფხულო კორ ვირუსის გარეშე“:
“ამ ომში დრო უნდა მოვიგოთ უპირობოდ, მიზანი სიცოცხლის გადარჩენა, რას ვაკეთებთ ამისთვის: სოციალურ დისტანცირებას – ფიზიკური დისტანცით-პირობით – დესოციალიზაციის გარეშე! ჩვენ გადავრჩებით!” – წერს ფეისბუქის პირად გვერდზე ლევან რატიანი.
