პარტია “ახალი საქართველოს” თავმჯდომარე გიორგი ვაშაძე საქართველოში გამოცხადებულ საგანგებო მდგომარეობის შეფასებას ახდენს და აღნიშნავს, რომ ხელისუფლებას აღნიშნულ ვითარებაში არანაირი გეგმა და სტატეგია არ გააჩნდა, თუ როდის უნდა მომხდარიყო ვირუსის ლოკალიზება. მისი განმარტებით დღესაც უბრალოდ პროცესი მართავს ხელისუფლებას და პროცესს არ მართავს ხელისუფლება და გახარია.
“პირველადაც რომ გამოცხადდა საგანგებო მდგომარეობა, აბსოლიტურად გაუთვლელად გამოცხადდა, იმიტომ რომ არ არსებობდა გეგმა, რის განხორციელებასაც ხელისუფლება აპირებდა, რამდენ ხანში მოახდენდა ვირუსის ლოკალიზებას და როგორ შეძლებდა ვირუსთან ბრძოლას – ეს სტრატეგია ჩვენ საერთოდ არ გაგვიგია. დღესაც უბრალოდ პროცესი მართავს ხელისუფლებას, პროცესს არ მართავს ხელისუფლება და გახარია.
აი ეს არის მთავარი პრობლემა. შესაბამისად ყოველი გაგრძელებული დღე, უმიზნოდ, სტრატეგიისა და გეგმის გარეშე, საგანგებო ვითარების და კარანტინის პირობებში – ეს არის ქვეყანაში შიმშილის დამატებითი დღე, იმიტომ რომ ხალხი შიმშილის ზღვარზეა, მათ შემოსავალი აღარ აქვთ,” – აცხადებს გიორგი ვაშაძე.
ავტორი
თამთა ასლანიშვილი
