“სტრატეგია აღმაშენებელი” მწვავე განცხადებას ავრცელებს “კოალიცია ცვლილებებისთვის” ერთ-ერთი ლიდერის, ნიკა მელიას დაკავებასთან დაკავშირებით, რასაც პარტია გატაცებად მიიჩნევს და პოლიტიკურ პარტიებს, საზოგადოებას ერთიანობისა და უკანონობის წინააღმდეგ ბრძოლისკენ მოუწოდებს:
“ნიკა მელიას გატაცება არის პირდაპირი მტკიცებულება იმისა, რომ “ქართული ოცნების” რეჟიმი ვეღარ ინარჩუნებს ძალაუფლებას კანონიერი საშუალებებით. ეს არის სისუსტის ნიშანი.
პირველად დააკავეს ზურაბ ჯაფარიძე, შემდეგ – ნიკა მელია, სხვა ლიდერებზე აღძრულია საქმეები – ეს არის გათვლილი კამპანია რეპრესიებით ძალაუფლების გახანგრძლივებისთვის.
ივანიშვილმა კიდევ ერთი უკანონობა და დანაშაული დაამატა საკუთარ სიას. ის პირადად არის პასუხისმგებელი საქართველოში არსებულ უკანონობასა და ძალადობაზე.
საკუთარ ხალხთან ბრძოლა ვერ იქნება წარმატებული სტრატეგია.
ჩვენ ვიცით რასაც ვაკეთებთ, ვაპირებთ ბოლომდე ბრძოლას და ამ ვითარებაში საჭიროა ერთიანობა.
ვერანაირი დაკავებები, გატაცებები და სხვა სახის ძალადობა ვერ შეაჩერებს ჩვენს მისწრაფებას თავისუფლებისა და საქართველოს დაცული მომავლისკენ”, – ნათქვამია გავრცელებულ განცხადებაში.
ინფორმაციას “სტრატეგია აღმაშენებლის” მედიასთან და საზოგადოებასთან ურთიერთობის სამსახური ავრცელებს
