ანალიტიკოსი ლელა ჯეჯელავა პოლიტიკოსების მიერ ბრძოლის სხვადასხვა გზას მიესალმება და იმ დროის დადგომის მოლოდინშია, როცა ქვეყანას პოლიტპატიმრები აღარ ეყოლება:
“არც გარეთ დარჩენილი პოლიტიკური ლიდერები იქნებიან ბევრად დალხენილები, ვიდრე ისინი, ვინც ცნობიერად აირჩია ციხეში წასვლა და რომელთა გადაწყვეტილება უდაოდ იმსახურებს ძალიან დიდ პატივისცემას.
ჩვენ არ უნდა ვაქციოთ პოლიტიკოსები ჩვენი ემოციების მძევლებად. ყველას პერსონალური გადაწყვეტილება უნდა მივიღოთ მოცემულობად, რადგან თავად უკეთ ესმით საკუთარი შესაძლებლობებიც და ფუნქციაც.
მთავარია ვიბრძოლოთ ისეთი ქვეყნისთვის, სადაც აღარასოდეს გვეყოლება პოლიტიკური პატიმრები“, – წერს ლელა ჯეჯელავა ფეისბუქის პირად გვერდზე.
