“რუსული რეჟიმი დაემხობა და ვერავინ ვერ გაექცევა პასუხისმგებლობას, ვინც ამ რეჟიმს ემსახურება!” – ნინო ჯანგირაშვილი

ქვეყანაში შექმნილ რეალობას მწვავე შეფასებებს აძლევს ტელეკომპანია “კავკასია”-ს გენერალური დირექტორი, ნინო ჯანგირაშვილი:

“ზურა ჯაფარიძის დაპატიმრება ჩემთვის იყო 100%–ით მოსალოდნელი, იმიტომ რომ რეჟიმი უკვე არის აბსოლუტურად რუსული, უშუალოდ რუსული ყოველდღიური მართვის ქვეშ და იმედია თუ ვინმეს ქონდა რამე სხვა ილუზია საბოლოოდ გაუქარწყლდება.

რეჟიმი უნდა დაილეწოს, სხვა შემთხვევაში პოლიტიკოსების, აქტიური ადამიანების დაჭერა და ქვეყნიდან გაგდება ისეთი ყოველდღიური ამბავი გახდება, რეაგირებასაც ვეღარ შევძლებთ, თან მივეჩვევითსავით, როგორც რუსეთში მიეჩვივნენ. თუმცა, მჯერა ეს არ მოხდება.

რუსული რეჟიმი დაემხობა და ვერავინ ვერ გაექცევა პასუხისმგებლობას, ვინც ამ რეჟიმს ემსახურება!“, – წერს ნინო ჯანგირაშვილი ფეისბუქის პირად გვერდზე.