მას შემდეგ, რაც ვანის მკვიდრს კორონავირუსი დაუდასტურდა და შიდაგადაცემის ფაქტი დაფიქსირდა, ვანის მუნიციპალიტეტში სოფელ ზეინდარსა და შუამთაში საკონტროლო-გამშვები პუნქტები გაიხსნა და კონტროლი გამკაცრდა. იმერეთის მხარეში სახელმწიფო რწმუნებულის, ზვიად შალამბერიძის განცხადებით ხელისუფლებამ ყველა პრევენციული ღონისძიება დროულად დაიწყო და ვანის მუნიციპალიტეტში გეგმაზომიერად მიმდინარეობს ყველა საჭირო ღონისძიება.
„იდენტიფიცირებულია ყველა უშუალო კონტაქტი და მედპერსონალი, ვისაც შეხება ჰქონდა 75 წლის პაციენტთან, რომელიც ვანის კლინიკაში თვითდინებით მივიდა,“ – განაცხადა ზვიად შალამბერიძემ.
იმერეთის გუბერნატორმა ასევე განაცხადა, რომ შექმნილი ვითარებიდან გამომდინარე, მუნიციპალიტეტის ტერიტორიაზე მიმდინარეობს მოსახლეობის თერმოსკრინინგი.
შეგახსენებთ, ამ დროისათვის ქუთაისის ინფექციურ კლინიკაში “Covid 19”-ის დიაგნოზით 10 პაციენტი მკურნალობს, საჩხერის სამედიცინო ცენტრში კი – 3.
ლიკა დევდარიანი
სააგენტო “პარალელის”
რეგიონალური კორესპონდენტი
