დავით ვაშაძე ამბიციური პროექტის, სერიალ “Seven Summits: A Journey of Transformation“-ის შესახებ საუბრობს, რომელშიც მონაწილეობა უნდა მიეღო ამჟამად პატიმრობაში მყოფ მსახიობ ანდრო ჭიჭინაძეს:
“🎥 ბევრმა, ალბათ, არ იცის, რომ ანდრო ჭიჭინაძესთან ერთად ვმუშაობდით ძალიან ამბიციურ სერიალზე — Seven Summits: A Journey of Transformation.
ეს თითქმის 2 წლიანი პროექტია, რომლის ფარგლებში ანდრო, როგორც არაპროფესიონალი მთამსვლელი, უნდა ავიდეს მსოფლიოს შვიდივე კონტინენტის უმაღლეს მწვერვალს — ევერესტის ჩათვლით.
🌍 სერიალის ერთ-ერთი მთავარი ხაზი არის მენტალური ჯანმრთელობის კრიზისის დაძლევა — ტრავმა, რომელიც ანდრომ მიიღო “შინდისის” გადაღებისას აფეთქების სცენის დროს.
🎬 პროექტს დიდი გამოხმაურება ჰქონდა როგორც საქართველოში, ისე საერთაშორისო დონეზე.
პილოტი სერიის — კილიმანჯაროს ეპიზოდის — გადაღება დაგეგმილი გვქონდა იანვარში. თუმცა, დეკემბრის დასაწყისში ანდრო დააკავეს, და მას შემდეგ უკანონო პატიმრობაში იმყოფება.
⚡ ჩვენ არ გავჩერებულვართ. პროექტზე მუშაობა მთელმა გუნდმა გააგრძელა.
📽️ გიზიარებთ პროექტის ქონსეფთ თიზერს, რომელიც შეიქმნა AI-ის გამოყენებით — მსოფლიოს ერთ-ერთი უძლიერესი სპეციალისტის, დავით გარუჩავას მიერ, რომელიც დღეს ჰოლივუდის წამყვან კომპანიაში მუშაობს.
ეს მხოლოდ კონცეფტუალური თიზერია და ასახავს სერიალის ფორმასა და სტილისტიკას და გამოიყენება საერთაშორისო სტრიმინგ პლატფორმებთან მოლაპარაკებებისთვის.
გვჯერა, რომ ანდრო მალე გათავისუფლდება და ფილმის გადაღებას დავიწყებთ!
განსაკუთრებული მადლობა ქეთათო ჩარკვიანს, მუსიკის გამოყენების უფლებისთვის“, – წერს დავით ვაშაძე ფეისბუქის პირად გვერდზე.
