მსოფლიოს სხვადასხვა ქვეყანაში კორონავირუსის წინააღმდეგ წარმოებული ბრძოლის ტექნოლოგიაზე საუბრობს და ამ მხრივ საქართველოში არსებულ მდგომარეობას აფასებს “რესპუბლიკური პარტიის” ეროვნული კომიტეტის წევრი, დავით ბერძენიშვილი:
“ავსტრიაში 8.4 მლ ადამიანი ცხოვრობს, პისიარ ტესტი 130 ათასს გაუკეთეს. ესტონეთში 1.4 მლ ცხოვრობს და 21 ათასი ასეთი ტესტია ჩატარებული (გუშინდელი მონაცემებით). სწრაფი ტესტი ყოველდღე უტარდება სამედიცინო პერსონალს და სხვა სამსახურების თანამშრომლებს ორივე ქვეყანაში…
ჩეხეთში და შვედეთში დაახლ. 10 მლ ცხოვრობს. ჩეხეთში მკაცრი, სტანდარტული ევროპული აკრძალვებია, შვედეთში არა (საკუთარ, შვედურ “სოციალიზმს” მიჰყვება ამ საკითხშიც). გაცილებით მეტი დაღუპულია შვედეთში (591 დღევანდელი მონაცემებით, მარტო გუშინ 76, დღეს 114), ვიდრე ჩეხეთში (დღეს 10) ან სკანდინავიის სხვა ქვეყნებში (დღეს 7. 13, 16). არ ამართლებს ეს “შვედური მოდელი” (აქაური მიმდევრები თუ არ გაჯიუტდებიან შეცდომაში, აჯობებს)…
საქართველოში 3.7 მლ ცხოვრობს… პისიარ ტესტები რამდენიმე ათასია ჩატარებული, ხომ? სწრაფი აგერ ახლა დაიწყეს საავადმყოფოებში…
ყველგან ეკლესიები ცარიელია ევროპაში… ვინც დააპირა გაჯიუტება, მიაბრძანეს სადაც ჯერ არს..ისრაელშიც კი. ჩვენ საპატრიარქოს მძევლის მდგომარეობაში გვამყოფებს უნიათო მთავრობა(((
ჰოდა, რა” მისაბაძი ვართ”, მოგინდათ? დაფასებულებსაც, დასაფასებლებსაც თუ დაუფასებლებსაც…
სტიქაროსანი ინფიცირებულია. პატრიარქი აღარ წირავს. რას ელოდები, მთავრობავ? გაბუტული ბავშვის პოზა, “არ მოვალ ტაძარში აღდგომას”- სირცხვილია…
ჩვენი მოქალაქეების ევროპიდან დაბრუნებას რომ წელავდა მთავრობა (კარანტინისთვის მოუმზადებლობის გამო?), ამორალურიც იყო და პრაგმატულად უვარგისიც – მაინც მოუწევს ხელისუფლებას მათი სამშობლოში შემოშვება/დაბრუნება… გაცილებით უფრო სახიფათო მდგომარეობაში მყოფების – სადაც იყვნენ/არიან უსახსროდ და უსახლკაროდ ევროპაში, იქ ხომ მძვინვარებს ახლა კორონავირუსი უფრო მძლავრად, ვიდრე კვირეების წინ იყო. დღეში სამი რეისი იყო საჭირო ალბათ და სამ დღეში ერთი რეისი არასწორია. უკრაინამ 110 ათასი მისი მოქალაქე ჩაიყვანა მარტში ქვეყანაში… განვითარებულ ქვეყნებზე არც ვსაუბრობ…
ბევრი რამ კარგად გააკეთა საქართველომ. მაგრამ მეტი გართულების მოლოდინში არ გვაქვს კარგად საქმე,” – წერს ფეისბუქის პირად გვერდზე დავით ბერძენიშვილი.