აშშ-ს წარმომადგენლობითი პალატის (კონგრესის) მიერ “მეგობარი აქტის” დამტკიცებას 5-პუნქტიანი შეფასება-განმარტებებით ეხმაურება ტელეკომპანია “კავკასიას” გენერალური დირექტორი, ნინო ჯანგირაშვილი:
“რატომ არის დღევანდელი დღე დიდებული:
1. კიდევ ერთხელ დადასტურდა, რომ აშშ საქართველოს არ მიატოვებს და არ დატოვებს რუსეთის ლუკმად. აშშ არ აპირებს რეგიონში რუსეთის, ჩინეთის და ირანის დომინაცია დაუშვას;
2. აშშ არ აპირებს სიტყვები ურჩიოს საქართველოს დამოუკიდებლობის და თავისუფლების მტრებს და მიარჭობს შესაბამის პასუხს ძალიან ხისტად. ამ საკითხზე აშშ–ში არის სრული პოლიტიკური კონსენსუსი, რაც დაადასტურა კენჭისყრის შედეგებმა;
3. ილუზიები, რაც რუს/ქოცებს ტრამპთან დაკავშირებით ქონდათ საბოლოოდ ჩამოიმსხვრა და ვერვითარი ინტერპრეტაციით ვეღარ შეძლებენ სპეკულირებას;
4. იმ ხალხის ბრძოლა, ვინც თვეებია საქართველოს გარუსეთებას უპირისპირდება, არ არის ფუჭი და ამაო, რაც გვაძლევს სტიმულს კიდევ უფრო მეტი ენთუზიაზმით ვიბრძოლოთ ქუჩაში, სამსახურში, მეტროში და ყველგან სადაც შესაძლებელია;
5. ქოცი იღებს შეუქცევად დაზიანებას, რომელსაც ვეღარ შეაკეთებს. ის უბრალოდ დისფუნქციური გახდება, რაც არ უნდა ამეცადინონ და სული უბერონ ეფესბეს ინსტრუქტორებმა და რაც არ უნდა აქოს მარგო სიმონიანმა. თუ ვინმეს ოდნავ მაინც აზროვნება შერჩენია ივანიშვილის რეჟიმის იერარქიაში და გარემოცვაში, უბრალოდ გაიქცევა. ის ბალასტი, ვინც დარჩება უბრალოდ არ არის საინტერესო და ვერაფერს შეცვლის, ვერ შეაკავებს რეჟიმის ჩამოშლას.
კიდევ შეიძლება ჩამონათვალის გაგრძელება, მაგრამ ესეც საკმარისია ჯერჯერობით. დიდება ამერიკას, დიდება საქართველოს🇺🇸🇬🇪“, – წერს ფეისბუქის პირად გვერდზე ნინო ჯანგირაშვილი.
