სალომე ზურაბიშვილმა 9 მსჯავრდებული ქალი შეიწყალა
„საქართველოს პრეზიდენტმა ხარების დღესასწაულთან დაკავშირებით შეწყალების აქტი გამოსცა და 9 მსჯავრდებული ქალი შეიწყალა“ – ამის შესახებ ინფორმაციას საქართველოს პრეზიდენტის ადმინისტრაცია ავრცელებს, აქტის საფუძველზე მსჯავრდებულები დღეს დატოვებენ პენიტენციალურ დაწესებულებას და ხარების დღესასწაულს ოჯახში შეხვდებიან.
„ყველა მსჯავრდებულს ერთი, ან მეტი არასრულწლოვანი შვილი ჰყავს, მათ მიერ ჩადენილი დანაშაულები კი, ძალადობრივ დანაშაულთა კატეგორიას არ განეკუთვნება. ცხრავე მსჯავრდებული პენიტენციურ დაწესებულებას დღესვე დატოვებს,“ – ნათქვამის პრეზიდენტის ადმინისტრაციის განცხადებაში.
P.S. აღნიშნულთან დაკავშირებით განცხადება გააკეთა იუსტიციის მინისტრმაც:
“მნიშვნელოვანია, რომ შეწყალებული მსჯავრდებული ქალებიდან არცერთი წარსულში არ ყოფილა ნასამართლევი, არ ჰქონია კანონთან სხვა პრობლემა და ამჟამად ისინი სასჯელს იხდიდნენ ისეთი დანაშაულებისთვის, რომელთაგან არცერთი არ არის ძალადობრივი დანაშაული,”- განაცხადა თეა წულუკიანმა.
ავტორი
თამთა ასლანიშვილი
