“თქვენ ვერ შეძლებთ ჩვენი მრავალსაუკუნოვანი გეზის გამოცვლას, ვერ შეძლებთ ამ ამაყი ქართველი ერის დაჩოქებას” – მიხეილ სააკაშვილი მმართველ გუნდს მიმართავს

კლინიკა “ვივამედიდან” სასამართლო პროცესზე ჩართვისას და სიტყვით გამოსვლისას საქართველოს მე-3 პრეზიდენტმა, მიხეილ სააკაშვილმა ისაუბრა პარლამენტში შექმნილი საგამოძიებო კომისიის მიზნებთან დაკავშირებით:

,,უკანონო, ერთპარტიულ პარლამენტში შექმნილი ე.წ. საგამოძიებო კომისია, რომლის ამოცანაა „ნაციონალური მოძრაობის“ განადგურება, ეს ბევრად უფრო ფართოა, ვიდრე „ნაციონალური მოძრაობის“ განადგურება ან ჩემი განადგურება. ეს არის ქართველი ხალხის გენეტიკური კოდის გამოცვლა და ამას ახორციელებენ.

ასეთი მტრები საქართველოს არ ჰყოლია საუკუნეების განმავლობაში, ასეთი საფრთხე საქართველოს არ ჰქონია საუკუნეების განმავლობაში.

რამდენიც არ უნდა ეპოტინოთ, მე ჩემს ადგილს საქართველოს ისტორიაში ვერ წამართმევთ და ისტორია, მე, რა თქმა უნდა, გამამართლებს და რა თქმა უნდა ვერავინ ვერ შემომწვდება.

თქვენ შეგიძლიათ ფიზიკურად გამანადგუროთ და ამას ახორციელებთ კიდეც, მაგრამ თქვენ ვერ შეძლებთ ჩვენი მრავალსაუკუნოვანი გეზის გამოცვლას, ვერ შეძლებთ ამ ამაყი ქართველი ერის დაჩოქებას”, – განაცხადა მიხეილ სააკაშვილმა.

ავტორი
მარიამ ხაჩირაშვილი