სამოქალაქო აქტივისტის, მარიამ ბაჯელიძის ბინის ჩხრეკის ფაქტთან დაკავშირებით მისი მეუღლის, ტატო გეთია მიერ სოციალურ ქსელში გამოქვეყნებულ ემოციურ პოსტს აზიარებს ტელეკომპანია “კავკასიას” გენერალური დირექტორი, ნინო ჯანგირაშვილი და მძიმე შეფასებებს აკეთებს “ქართული ოცნების” მხარდამჭერების მიმართ:
“ყველა ქოცი; ყველა ქოცის მხარდამჭერი და კმაყოფაზე მყოფი მათხოვარი, აბსოლუტურად ყველა ხართ პირუტყვი, ვისთვისაც ეს ამბავი ნორმალურია და თქვენ ადამიანად არ ჩაგთვლით არცერთს არასოდეს.
მე კი დამიგროვდა ცხოვრებაში იმდენი გამოცდილება, რომ ზუსტად ვიცი, ზოგიერთი თქვენგანი მომადგება აცრემლებული მომავალში, აბა რა მექნა, ოჯახს მშიერს ხომ არ დავტოვებდი, ესა, ისა. ჩემი თავის ამბავი რომ ვიცი შეიძლება შემეცოდოთ კიდეც.
ამიტომ იყოს ეს აქ (მის ფეისბუქის გვერდზე მიუთითებს – რედ.), რომ არასოდეს დამავიწყდეს და არასოდეს არ ჩაგთვალოთ ადამიანებად მომავალში, შიმშილით რომ კვდებოდეთ, ლუკმა პური არ მოგაწოდოთ და წყურვილით რომ იხრჩობოდეთ, წვეთი წყალი არ გავიმეტო თქვენთვის“, – წერს ნინო ჯანგირაშვილი ფეისბუქის პირად გვერდზე.
