“პალიტრანიუსის” ეთერში საქართველოს სახალხო დამცველმა, ლევან იოსელიანმა აღნიშნა, რომ 5 ათას ლარიანი ჯარიმები შეუსაბამოა იმ სოციალური გარემოსთვის, სადაც გვიწევს ცხოვრება და მიაჩნია, რომ ასეთი მაღალი ჯარიმები დამაბრკოლებელია აქციების გამართვის მხრივ, რის გამოც ადამიანებმა შეიძლება თავი შეიკავონ პროტესტისგან. ომბუდსმენი, ასევე, განმარტებას აკეთებს გზის გადაკეტვასთან დაკავშირებით:
“მნიშვნელოვანია, რომ აქციის მონაწილეებმა ნათლად გაითვალისწინონ და გაიაზრონ ის გარემოება, რომ აქცია და ქუჩის გადაკეტვა ლეგიტიმურია მხოლოდ მაშინ, როდესაც სათანადო რაოდენობის ადამიანი იმყოფება აქციაზე. ახლა 10, 20 და თუნდაც 50 ადამიანს ქუჩის გადაკეტვის ლეგიტიმაცია არ გაჩნია.
იმ შემთხვევაში, როდესაც ხალხის სიმრავლის გამო იქნება ბუნებრივად გადაკეტილი, მაშინ იმ ჯარიმის არსებობის წინაპირობაც არ იარსებებს“, – აცხადებს ლევან იოსელიანი.
