“ივანიშვილი ხელისუფლებაში მოსვლისთანავე ცდილობს “ნაციონალური მოძრაობის” განადგურებას, მაგრამ ვერ გაანადგურებენ, რადგან ეს არის იდეა, რომელიც აერთიანებს უამრავ ადამიანს და ამ იდეას რუსეთი ივანიშვილის ხელით ვერ გაანადგურებს”, – განაცხადა “ერთიანობა ნაციონალური მოძრაობის” პოლიტიკურმა მდივანმა, გიორგი ბარამიძემ მიხეილ სააკაშვილის განცხადებაზე:
“არ არის გასაკვირი, რომ კრიმინალური რეჟიმი ჩვენი პარტიის საქმეებში ხელს აფათურებდეს და ეს კი არა, ხელისუფლებაში როგორც კი მოვიდნენ ივანიშვილმა ის კი არ თქვა, რომ ქართველ ხალხს რამეს გაუკეთებდა, არამედ ის, რომ გაანადგურებდა “ნაციონალურ მოძრაობას”.
მთელი ეს წლები ცდილობენ “ნაციონალური მოძრაობის” განადგურებას, მაგრამ ვერ გაანადგურებენ, რადგან ეს არის იდეა, რომელიც შექმნა მიხეილ სააკაშვილმა თავის მხარდამჭერებთან ერთად.
გამთლიანებული, დემოკრატიული, ქართული, ევროპული სახელმწიფო ნატო-სა და ევროკავშირში გაწევრიანებული, განათლებული და პროგრესული სახელმწიფოს იდეა, ეს არის ის იდეა, რასაც ემსახურება ჩვენი პარტია და მიხეილ სააკაშვილი, ამ იდეის ირგვლივ ვართ ჩვენ შეკრებილები და ამ იდეას რუსეთი ვერ გაანადგურებს და ვერც რუსეთის მეხუთე კოლონა “ქართული ოცნების” სახით”, – განაცხადა გიორგი ბარამიძემ.
ინფორმაციას “ერთიანობა ნაციონალური მოძრაობის” პრესსამსახური ავრცელებს
ცნობისათვის: მიხეილ სააკაშვილი “ნაციონალური მოძრაობის” წევრებს კონკრეტული განმარტებებით მიმართავს:
