გარკვეული ხნის წინ ცნობილ მომღერალ „pink“-ს კორონავირუსი დაუდასტურდა, ამის შესახებ ინფორმაცია მან საკუთარი ინსტაგრამ გვერდის საშუალებით გაავრცელა. ვარსკვლავმა აღნიშნა, რომ მას და მისი 3 წლის ვაჟს ჯეიმსონს ჰქონდათ “კოვიდ 19”-ისთვის დამახასიათებელი სიმპტომები და ტესტმაც დადებითი პასუხი აჩვენა. საბედნიეროდ რამდენიმე დღის წინ მათ კორონავირუსი დაამარცხეს. მომღერალმა გადაწყვიტა, რომ 1 მილიონი დოლარი გამოეყო კორონავირუსის წინააღმდეგ ბრძოლისათვის.
„ეს დაავადება სერიოზული და რეალურია. ადამიანებმა უნდა იცოდნენ, რომ დაავადება გავლენას ახდენს ახალგაზრდებზე და მოხუცებზე, ჯანმრთელებზე და დაავადებულებზე, მდიდრებზე და ღარიბებზე.
ტესტირება ფართოდ ხელმისაწვდომი უნდა იყოს, რომ დავიცვათ ჩვენი შვილები, ჩვენი ოჯახები, ჩვენი მეგობრები და ჩვენი ხალხი. მხარი უნდა დავუჭიროთ ჯანდაცვის პროფესიონალებს, რომლებიც ყოველდღე იბრძვიან წინა ფრონტზე.
500,000 აშშ დოლარს ვჩუქნი ფილადელფიაში მდებარე ტაძრის უნივერსიტეტის საავადმყოფოს გადაუდებელ ფონდს, დედაჩემის, ჯუდი მურის საპატივცემულოდ, რომელიც იქ 18 წლის განმავლობაში მუშაობდა კარდიომიოპათიასა და გულის გადანერგვის ცენტრში.
გარდა ამისა, მე ვჩუქნი 500,000 აშშ დოლარს ლოს-ანჯელესის მერის საგანგებო COVID-19 კრიზისულ ფონდში. გთხოვთ დარჩით სახლში,“ – განაცხადა მომღერალმა.
ავტორი
თამთა ასლანიშვილი