“სტრატეგია აღმაშენებლის” ლიდერი, გიორგი ვაშაძე კულტურის სამინისტროს გადაწყვეტილებას ეხმაურება, დავით დოიაშვილის თანამდებობიდან გათავისუფლებასთან დაკავშირებით:
“დავით დოიაშვილის გათავისუფლება ცხადყოფს ივანიშვილის მოძალადე ხელი ადრე თუ გვიან ყველას შეეხება თუ ეს რეჟიმი დარჩება.
მათ ვერ აიტანეს თეატრის სოლიდარობა, თავისუფალი აზრის გამოვლინება და გადაწყვიტეს დასაჯონ ყველა.
ეს ბრძოლა მხოლოდ დოიაშვილის კი არა, ჩვენი ყველას ბრძოლაა ვინც არ აპირებს შეეგუოს უსამართლობას და დარჩეს რეჟიმის მონურ მორჩილებაში.
რეჟიმს უჭირს!
ბრძოლა გრძელდება გამარჯვებამდე!” – აცხადებს გიორგი ვაშაძე.
ინფორმაციას “სტრატეგია აღმაშენებლის” მედიასთან და საზოგადოებასთან ურთიერთობის სამსახური ავრცელებს
ცნობისათვის: “კულტურის სამინისტრომ, როგორც სსიპ „ვასო აბაშიძის სახელობის მუსიკისა და დრამის თეატრის“ დამფუძნებელმა უწყებამ, მიიღო კანონისმიერი გადაწყვეტილება, სსიპ-ის უწყვეტ და გამართულ ფუნქციონირებაზე პასუხისმგებელი პირის, თეატრის ხელმძღვანელის, დავით დოიაშვილის თანამდებობიდან გათავისუფლების შესახებ“.
