საგამოძიებო კომისიის თავმჯდომარის, თეა წულუკიანის მიერ საზოგადოებრივ არხზე დაფიქსირებულ პოზიციას პოლიტიკური შეფასებებით ეხმაურება “კოალიცია ცვლილებებისთვის” ლიდერი, ნიკა მელია:
“ყველა ბავშვს არა მხოლოდ მშობელი, არამედ სამშობლო სჭირდება.
საქართველოს ისტორია ბრძოლის და არადანებების ისტორიაა, გმირებზე დგას და მათ მაგალითებზე.
რაც წიგნში წაგვიკითხავს, ერთ დღეს ყველამ ცხადად ვნახეთ და მივხვდით, რომ გმირობაზე და გმირებზე სიტყვა არ ყოფილა გადაჭარბებული.
საქართველოს ისტორიის გადაწერას შეგუების ისტორიად ვინც ცდილობს 200 წელზე მეტია ვიცით.
ამაში მონაწილეობდა წულუკიანი, ამას უწყობდა ხელს “ჟურნალისტი”, – წერს ნიკა მელია ფეისბუქის პირად გვერდზე.
ინფორმაციისთვის:
“რატომ არ არის დღეს გიორგი ანწუხელიძე სახლში? ჩემს თანამებრძოლებთან ერთად მაქვს უფლება დავსვა ეს კითხვა.
ვინ ამიკრძალოს ამ კითხვის დასმას? ვერავინ! ამ კითხვას ვსვამთ! ყველა ბავშვს ჭირდება თავისი მშობელი სახლში და არა უაზროდ გაწირული ვიღაცის პიარისთვის. ამ შემთხვევაში სააკაშვილს ვგულისხმობ“, – განაცხადა თეა წულუკიანმა საზოგადოებრივი მაუწყებლის ეთერში.
