“სტრატეგია აღმაშენებლის” და “ერთიანობა ნაციონალური მოძრაობის” ერთ-ერთი ლიდერი, პაატა მანჯგალაძე საგამოძიებო კომისიაზე გიორგი ვაშაძის დაბარების ფაქტს და “ქართული ოცნების” ლიდერების მიერ დაფიქსირებულ ცალკეულ პოზიციებს მწვავე, მძიმე შეფასებებით ეხმაურება:
“გიორგი ვაშაძე წლებია პოლიტიკაშია. მისი ინიციატივით იუსტიციის სახლების მსგავსი პროექტები არამხოლოდ საქართველოში, არამედ კიდევ სამ ქვეყანაში განხორციელდა!
და მართლა მაინტერესებს რა კითხვები უნდა დაუსვას მას წულუკიანმა ან ღუდუშაურმა? რა გაუკეთებიათ ხალხის ძარცვის და ძალადობის წახალისების გარდა?!
ეს კომისია რუსული პროექტია! მისი იდეა წლების წინ მოსკოვიდან ჩამოიტანეს პატრიოტთა ალიანსის წევრებმა. დღეს კი ქოცები ახორციელებენ.
უკვე ღიად, ცინიკურად საუბრობენ 9 აპრილზე, გმირ სამხედროებზე, ანწუხელიძეზე, პოლიტპატიმრებზე და მათ მშობლებზე.
იცით, რატომ?! იმიტომ, რომ უნდათ გადაგვიწერონ წარსული, მტერთან ერთად მართონ აწმყო და წაგვართვან მომავალი!
მაგრამ ეს არ გამოვა! ეს ყველაფერი დროებითია.
მალე ქუჩაში ვეღარ გამოვლენ იმ ღალატისთვის, რასაც დღეს ხელს აწერენ!
ვეუბნები “ქართულ ოცნებას”, დაიმახსოვრეთ კურდღლის ქცევა სანატრელი გაგიხდებათ იმ ღალატისთვის, რასაც სჩადიხართ!
შეაჩერეთ ეს ფარსი, ეს სიგიჟე, სანამ ჯერ კიდევ გაქვთ უკან დახევის შანსი.
დანიშნეთ არჩევნები!
გაათავისუფლეთ პოლიტპატიმრები!
გაუშვით ქვეყანა თავისუფლების გზით!” – განაცხადა პაატა მანჯგალაძემ.
ინფორმაციას “სტრატეგია აღმაშენებლის” მედიასთან და საზოგადოებასთან ურთიერთობის სამსახური ავრცელებს
