“ჭავჭავაძის კვლევითი ცენტრის” დამფუძნებლის ზაზა ბიბილაშვილის ემოციური შეფასებები:
“ქოციანობის დასრულება უბრალოდ ხელისუფლების ცვლილება არ იქნება. ეს იქნება რუსეთისგან საქართველოს მესამედ – და საბოლოოდ – გათავისუფლება. ეს იქნება ახალი პოლიტიკური წელთაღრიცხვის დასაწყისი.
როცა ქოციანობა დასრულდება, ყველაფერი ნულიდან – არა, ნულიდანაც არა, მინუსიდან – უნდა დავიწყოთ. რადგან ყველაფერი, რაც რუსის ქოცმა 13 წლის მანძილზე “შექმნა” (სინამდვილეში – მოისაქმა), გამოუსადეგარია თავისუფალი, თავმოყვარე საქართველოსთვის…
შეუძლებელია, პრეზიდენტების ფოტოთა რიგში ზვიად გამსახურდიას ფოტოც ეკიდოს და მიხეილ ყ-სიც. შეუძლებელია, ირაკლი კობახიძის ფოტო საერთოდ სადმე ეკიდოს, ოკუპაციის მუზეუმის გარდა.
1989 წელსაც და დღესაც ერთი “უცხოური ძალა” ებრძვის საქართველოს და ეს “უცხოური ძალა” რუსეთია, მის მიერ გამოზრდილი ქოცგრიზუნებით. ქოცი ის გენერალი როდიონოვია, რომელიც 1989 წლის 9 აპრილს გვკლავდა. ქოცი ის გენერალი ლებედია, რომელსაც ბორის ივანაშვილი აფინანსებდა. ქოცი ის გავრილოვია, რომელიც კობახიძემ პარლამენტის თავმჯდომარის სკამში ჩასვა…
ამდენად, ქოციანობის დასრულება საქართველოს ხელახალი გათავისუფლების, დამოუკიდებლობის აღდგენის ხელახალი დეკლარაციის ტოლფასი იქნება. ხოდა, მოდით, ყველა ქართველის ამ პატრიოტულ გულისნადებს, ყველა ქართველის ამ წმინდა ნატვრას, ყველა ქართველის ამ დიდი, ნათელი მიზნის ასრულებას გაუმარჯოს!” – წერს ზაზა ბიბილაშვილი ფეისბუქის პირად გვერდზე.
