საქართველოს ეროვნული ბოტანიკური ბაღი – 
საკურაზე მოგიყვებათ 
საქართველოს ეროვნული ბოტანიკური ბაღი ყოველწლიურად ამდიდრებს საკურას კოლექციას. დღეისათვის ბაღში წარმოდგენილია საკურას 3 სახეობა და 6 კულტივარი. 2025 წელს კოლექციას შეემატა 13 ნერგი და ბაღის ტერიტორიაზე საკურას 100-ზე მეტ ნერგს შეხვდებით
როგორც წესი, საკურას ყვავილობა დაახლოებით 1 კვირის განმავლობაში გრძელდება, შემდეგ გადაყვავილდება და ხე ისხამს ნაყოფს.
საკურა დეკორატიული ალუბლის გვარის მერქნიანი მცენარე იაპონიის ეროვნული ყვავილია, მცენარე იაპონიისა და იაპონური კულტურის სიმბოლოდ ითვლება.
ჰანამი – იაპონური დღესასწაულია, რომლის დროსაც აღნიშნავენ იაპონური ალუბლის – საკურას ყვავილობას.
საკურა არის მცენარე, რომელსაც აქვს მრავალი მახასიათებელი, როგორიცაა ხის ფორმა, ყვავილობის ეტაპი, ყვავილების რაოდენობა, ფორმა, ზომა და შეფერილობა. ისტორიულად სხვადასხვა ველური სახეობის შეჯვარებით გამოყვანილია საკურას მრავალი ჯიში, კულტივარი, რასაც შემდგომ დეკორატიულ გაფორმებაში იყენებენ.
საკურას ყველაზე გავრცელებული ჯიშია სომეი-იოშინოს ალუბლის ხე. ეს ხე იაპონიის ალუბლის ხეების 80%-ს შეადგენს, მისი ფურცლები ძირითადად თეთრია ვარდისფერი ელფერით.
