მსოფლიო ბანი, პაატა ბურჭულაძე საზოგადოებას მოუწოდებს 9 აპრილის დღისადმი მიძღვნილ 24 საათიან უწყვეტ აქციაზე მისვლისკენ:
“მეგობრებო!
გვიახლოვდება ქართველი ერისთვის უმნიშვნელოვანესი თარიღი.
გთავაზობთ 8 აპრილს, საღამოს 22.00 საათზე შევიკრიბოთ 9 აპრილის მემორიალთან 24 საათიან აქციაზე.
გამთენიისას, დილის 4 საათზე ზუსტად იმ დროს, როცა როდიონოვის ჯალათებმა დაიწყეს ჩვენი დების, ძმების, ფეხმძიმე ქალების და შვილების უმოწყალოდ ჩეხვა, თითო ტიტით, დანთებული სანთლით და ლოცვით ერთად მოვიხსენიოთ მათი სულები და შევფიცოთ, რომ მათი სისხლი ფუჭად არ დაღვრილა და არ დავთმობთ მათ მიერ მოპოვებულ თავისუფლებას და მათ დაწყებულ საქმეს, რომელსაც საფრთხე ემუქრება, ბოლომდე მივიყვანთ“, – წერს ფეისბუქის პირად გვერდზე პაატა ბურჭულაძე.
კომენტარები - დატოვეთ თქვენი მოსაზრება
