მოძრაობა ,,სამოქალაქო საზოგადოება – მიხეილ სააკაშვილის თავისუფლებისთვის” წარმომადგენელი, მანანა ანდღულაძე სააგენტო ,,პარალელთან” ინტერვიუში საუბრობს უკრაინის პრეზიდენტის, ვოლოდიმირ ზელენსკის შესახებ საუბრობს და თავის მოსაზრებას აფიქსირებს საქართველოს მე-3 პრეზიდენტ მიხეილ სააკაშვილის როლსა და მნიშვნელობასთან დაკავშირებით, იმ შემთხვევაში, თუკი იგი უკრაინაში იქნებოდა:
,,პირველ რიგში დავიწყებ იმით, რომ რა როლი ექნებოდა პრეზიდენტ სააკაშვილს – ჩემი აზრით, ძალიან დაეხმარებოდა პრეზიდენტ ვოლოდიმირ ზელენსკის მისი გამოცდილებით, მისი კონტაქტებით, და შეიძლება ითქვას, რომ ძალიან ბევრი ის მსხვერპლი, რაც იყო მაგალითად ომის პერიოდში და ეს რაღაცა რთული პერიოდი ბევრად უფრო ადვილად გადაეტანა ვოლოდიმირ ზელენსკის და შესაბამისად, ის ბევრად უფრო დაცულიც იქნებოდა ერთგვარად.
იმიტომ, რომ პრეზიდენტ სააკაშვილს უკვე გამოცდილი ჰქონდა 2008 წელი. იგივე სცენარით წავიდა რუსეთი, უბრალოდ ჩვენთან ხუთი დღე იყო და იქ გაგრძელდა უფრო დიდხანს.
ფასდაუდებელი წონა ექნებოდა პრეზიდენტ სააკაშვილის როლს უკრაინაში, ამ შემთხვევაში პრეზიდენტ ზელისკისთან ერთად.
რაც შეეხება თვითონ პრეზიდენტ ზელენსკის, ჩემი აზრით, ამ ომმა ის აქცია მოსიარულე გმირად, არა მარტო უკრაინელი ხალხისთვის, არამედ ჩვენთვისაც სტიმულია მისი ეს ვაჟკაცობა და სხვათა შორის, ევროპელებისთვისაც.
განსაკუთრებით ბოლო პერიოდში განვითარებული მოვლენების შემდეგ, ის ძალიან მედგრად და გმირულად დგას და რაც ყველაზე მთავარია პრინციპულია. ამ ომში ყველაზე მთავარი არის ის, რომ უკრაინამ იმიტომ არ წააგო და არც წააგებს ამ ომს, რომ პრინციპული მთავარსარდალი ჰყავს, ისევე როგორც ჩვენ გვყავდა საქართველოს მესამე პრეზიდენტი.
ამიტომ ვოლოდიმირ ზელენსკის როლი ძალიან დიდი იქნება ომის დამთავრების შემდეგაც როგორც უკრაინაში, ისევე ევროპაში და სხვათაშორის საქართველოსთვისაც ძალიან მნიშვნელოვანია უკრაინის გამარჯვება“, – განაცხადა მანანა ანდღულაძემ.
ავტორი
მარიამ ხაჩირაშვილი
