“საჭიროა სერიოზული ნაბიჯების გადადგმა ქვეყნის შიგნით და საგარეო ასპარეზზე რათა ოლიგარქიული დიქტატურა დროულად იქნეს დასრულებული” – შალვა ნათელაშვილი

მმართველი პარტიის მიერ დაწყებულ პროცესს, “ნაციონალური მოძრაობისა” და სხვა პარტიების არაკონსტიტუციურად ცნობასთან დაკავშირებით, პოლიტიკური შეფასებებით ეხმაურება “ლეიბორისტული პარტიის” თავმჯდომარე, შალვა ნათელაშვილი:

“საქართველოში პროპუტინისტური, აღვირახსნილი, ივანიშვილის ოლიგარქიული დიქტატურა, შედის ტოტალიტარიზმის არნახულ სტადიაში. ამის ნათელი დასტურია ხელისუფლების მზადება “ნაციონალური მოძრაობისა” და სხვა პარტიების გასაუქმებლად.

ცუდია რომ თავის დროზე, ოთხი წლის წინ, როდესაც ლეიბორისტულ პარტიას წაართვეს ძირითადი, კანონიერი უფლებები, პოლიტიკურმა სპექტრმა ჩათვალა რომ ეს საფრთხე მათ არ მიადგებოდა.

საჭიროა სერიოზული ნაბიჯების გადადგმა ქვეყნის შიგნით და საგარეო ასპარეზზე რათა ოლიგარქიული დიქტატურა დროულად იქნეს დასრულებული. ლეიბორისტული პარტია ამისთვის ყველაფერს აკეთებდა და ასევე გააგრძელებს ბრძოლას“, – წერს შალვა ნათელაშვილი ფეისბუქის პირად გვერდზე.