“მე-5 პრეზიდენტმა თავის დღევანდელ სიტყვაში უნდა თქვას – რას ფიქრობს კომისიაზე, ჯალათეაზე, კრემლისთვის “საცხრამაისოდ” გამზადებულ ძღვენზე, ოპოზიციის აკრძალვა-გაუქმების სურვილსა და მცდელობაზე” – პეტრე ცისკარიშვილი

“ერთიანობა ნაციონალური მოძრაობის” ლიდერი, პეტრე ცისკარიშვილი საგამოძიებო კომისიასთან დაკავშირებით მწვავე შეფასებებს აკეთებს და საქართველოს მე-5 პრეზიდენტ, სალომე ზურაბიშვილს მიმართავს პოზიცია დააფიქსიროს კონკრეტულ საკითხებთან დაკავშირებით:

“ქართულ სახელმწიფოს ვიღაც მანქურთი ჯალათები პირდაპირ ეთერში ასამართლებენ, ომის დანაშაულების დაბრალებას და შეტენვას ცდილობენ, ამ ყველაფრით უკრაინაში გაფარჩაკებულ პუტინს სიამოვნებას ჰგვრიან და აქ, ჩვენი ადგილობრივი ფარჩაკები (იციან რა როგორი უუნარო და უკბილო “ლიდერიც” ჰყავთ!!) – სალომეს ამ საკითხზე, რუსულ ტრიბუნალზე, მთავარ მიმდინარე პოლიტიკურ მოვლენაზე არაფრის თქმა მოსთხოვოთ – დღეს 31 მარტია, რა დროს ეგენიაო?!

დიახ, მე-5 პრეზიდენტმა თავის დღევანდელ სიტყვაში, უნდა თქვას, რას ფიქრობს კომისიაზე, ჯალათეაზე, კრემლისთვის “საცხრამაისოდ” გამზადებულ ძღვენზე, ოპოზიციის აკრძალვა-გაუქმების სურვილსა და მცდელობაზე.

… და კი, ომი ვინ დაიწყო – იმაზეც!” – წერს პეტრე ცისკარიშვილი ფეისბუქის პირად გვერდზე.