“ხალხნო “ოცნების ტიპები” საკუთარ სამშობლოს ომის დაწყებას ტენიან, ასეთი არაფერი მინახავს!” – თაკო ჩარკვიანი

პარტია “კანონი და სამართლის” თავმჯდომარე, თაკო ჩარკვიანი “ქართული ოცნების” საგამოძიებო კომისიასთან დაკავშირებით კონკრეტულ პოზიციას აფიქსირებს:

“ვინც დღეს უსმენდით ხაინდრავას და ღია ღალატის “კომისიას”, ახლა მაინც ხომ გასაგებია, რომ უთუოდ სწორი იყო გრიგოლ ვაშაძის და გენერალ გოგავას სამართლებრივად და მორალურად უუუმნიშვნელოვანესი პასუხები.

წარმოიდგინეთ სოფლებში – რაიონებში მხოლოდ ცალმხრივ “წულუკიან-ხაინდრავებს” რომ მოისმენდა ხალხი – კატასტროფაა… საქართველო მხოლოდ თბილისი არ არის, ხალხი ისმენს საქართველოს მასშტაბით და კიდევ კარგი რომ საქართველოს სასარგებლოდ ღირსეული პასუხი გასცეს ადამიანებმა – მაშინდელმა თანამდებობის პირებმა (გრ. ვაშაძეს და გოგავას, დავითაიას ვგულისხმობ).

ხალხნო “ოცნების ტიპები” საკუთარ სამშობლოს (რუსი ოკუპანტის მიერ გამწარებულ და მრავალგზის ტერიტორიებ წაგლეჯილ საქართველოს) ომის დაწყებას ტენიან, ასეთი არაფერი მინახავს!

კიდევ ერთხელ ბრავო გრიგოლ ვაშაძეს და გენერალ გოგავას ამ ღირსეული პასუხებისთვის, სიმართლისთვის და სწორად გათვლილი ნაბიჯისთვის!“, – წერს ფეისბუქის პირად გვერდზე თაკო ჩარკვიანი.