,,ერთიანობა – ნაციონალური მოძრაობის” წევრი, ლაშა ფარულავა სოციალურ ქსელში სტატუსს აქვეყნებს და ეხმაურება ,,ქართული ოცნების” საგამოძიებო კომისიის მიერ 2008 წლის აგვისტოს ომის ხელახალ გამოძიებას და მათ მიერ გენერალ ზაზა გოგავასა და მამუკა ყურაშვილის გამოკითხვაზე დაბარებასთან დაკავშირებით:
,,ბიძინა ივანიშვილმა ოკუპანტს ბოდიში მოუხადა – ახლა კი ცდილობს, 2008 წლის ომში საქართველო დამნაშავედ წარმოაჩინოს!
ბოდიშს დაემატა აგვისტოს ომის ხელახალი “გამოძიება“. მიუხედავად იმისა, რომ ჰააგამ და სტრასბურგმა უკვე გაამტყუნეს რუსეთი და საქართველო გაამართლეს, ქართული ოცნების არალეგიტიმური ხელისუფლება მაინც ცდილობს, ყველაფერი თავდაყირა დააყენოს.
ვიღაცები ამბობენ, რომ არალეგიტიმურ პარლამენტში, რუსების მიერ შექმნილ კომისიაზე არავინ არ უნდა მივიდეს – მე პირიქით ვფიქრობ.
ყველგან უნდა მივიდეთ, ყველა ეთერში უნდა შევიდეთ, ყველა ტრიბუნაზე უნდა ვიდგეთ და ვამხილოთ ეს ღალატი!
არ აქვს მნიშვნელობა, იმედია, ალტინფო თუ სხვა – სადაც პირდაპირი ეთერია, იქ უნდა ვიყოთ, რადგან სიმართლე ჩვენს მხარესაა!
ახალმა თაობამ დაინახოს სიმართლე, რომელიც მკაფიო და კონკრეტულია: საქართველოს არ ჰყოლია მოღალატე პრეზიდენტი, არ ჰყოლია მოღალატე გენერალური შტაბი, არ ჰყოლია მოღალატე ჯარი!
ჩვენ ვართ გმირების ქვეყანა, რომელმაც საკუთარი მიწისთვის სისხლი დაღვარა!
სიმართლე ყველგან უნდა ვილაპარაკოთ! ტელეეთერში, ქუჩაში, დებატებში, სოციალური ქსელების ყველა კუთხეში – ყველგან.
ჩვენ ისტორიის სწორ მხარეს ვდგავართ!
დიდება გმირებს, დიდება და თავისუფლება საქართველოს!”, – წერს ლაშა ფარულავა.
