“კარგად გრძნობენ რუსები თავს, რა თქმა უნდა, ქოცებთან ერთად” – დავით ქაცარავა

ანტისაოკუპაციო მოძრაობის ლიდერი, დავით ქაცარავა სოციალურ ქსელში სტატუსს აქვეყნებს, სადაც საუბრობს გორის რაიონის სოფელ ერგნეთიდან გატაცებულ საქართველოს მოქალაქეებთან დაკავშირებით:

,,ვრცელდება ინფორმაცია ახალი გატაცების შესახებ.

გორის რაიონის სოფელ ერგნეთის მიმდებარედ, რუსებმა გაიტაცეს კიდევ 2 მოქალაქე.

ამასთან ერთად, სოფელ ფლავისმანთან, დაახლოებით 10-14 დღის წინ რუსებმა გაიტაცეს კიდევ სამი მოქალაქე, მამა და ორი შვილი. (თენაძეები) მამა გამოშვებულია, შვილები რჩებიან ტყვეობაში.

ამ გატაცების შესახებ ძალოვან სტრუქტურებს არანაირი განცხადება არ გაუკეთებიათ, ისევე როგორც არაფერი უთქვამთ სოფელ ღოღეთთან ახალი შეღობვის შესახებ, რომელიც სულ რაღაც ერთი კვირის წინ დასრულდა. (შესაძლოა, გაგრძელდეს)

კარგად გრძნობენ რუსები თავს, არ იდარდოთ. რა თქმა უნდა, ქოცებთან ერთად”, – წერს დავით ქაცარავა.

ავტორი
ნინი ხიჯაკაძე