“რეგიონში ლიდერობის შანსი ჩვენი სულგაყიდული მმართველი კრიმინალიტეტის დამსახურებით ხელიდანაა გაშვებული” – შალვა ნათელაშვილი

რეგიონში მოსალოდნელ სერიოზულ გეოპოლიტიკურ ცვლილებებზე საუბრობს “ლეიბორისტული პარტიის” თავმჯდომარე, შალვა ნათელაშვილი:

“იწყება ირანის დაშლა. ვაფრთხილებდი მათაც კაი ხანია ამის შესახებ. ვინ გისმინა?

ჩვენს რეგიონს დიდი გეოპოლიტიკური რყევები ელოდება. მნიშვნელოვანი ალბათობით შეიძლება აღსრულდეს პანთურქისტთა ოცნება ერთიანი თურანის შექმნაზე ხმელთაშუა ზღვიდან ჩინეთამდე.

სავარაუდოდ ჩვენს გვერდით ასევე შეიძლება ვიხილოთ 50 მილიონიანი აზერბაიჯანული სახელმწიფოც ირანის ჩრდილოეთ ტერიტორიაზე 30 მილიონიანი აზერბაიჯანის შემოერთების გამო. შედეგად შეიძლება შემცირდეს საქართველოს საერთაშორისო ფაქტორიც. ევრაზიული ტვირთების დიდი ნაწილი გადამისამართდება ახალ პანთურქულ კორიდორში ირანის აზერბაიჯანი – ნახიჩევანი – თურქეთი.

რეგიონში ლიდერობის შანსი, რაც ისტორიამ მოგვცა, ჩვენი სულგაყიდული მმართველი კრიმინალიტეტის დამსახურებით ხელიდანაა გაშვებული. ახლა როგორც არასდროს საჭიროა აღმაშენებლისეული სიბრძნე პოლიტიკაში, რათა ამ ახალ მსოფლიო ქარიშხალს, როგორც ერი – სახელმწიფო გადავურჩეთ უდანაკარგოდ და დავიკავოთ ჩვენი შეუცვლელი ადგილი ევრაზიულ გზაჯვარედინზე“, – წერს ფეისბუქის პირად გვერდზე შალვა ნათელაშვილი.