“მარტო მოგება მინდოდა მე და სულ ყველას… კარგი თამაში ჩავატარეთ, 3:0 მოვიგეთ” – გიორგი მიქაუტაძე

საქართველოს ეროვნული ნაკრების ფეხბურთელი, გიორგი მიქაუტაძე მედიასთან კომენტარს აკეთებს სომხეთის წინააღმდეგ გუშინ მოგებული მატჩის შესახებ:

• [ჟურნალისტის შეკითხვა] დუბლი შეასრულე დღევანდელ მატჩში, შენი ემოციები, რომ გაგვიზიარო? იმასაც თუ გავითვალისწინებთ, რომ ყოფილი მწვრთნელის წინააღმდეგ მოგიწია თამაში და დარწმუნებული ვარ შენც ორმაგი მოტივაცია გექნებოდა და მისთვის დამტკიცების:

– კი იყო მოტივაცია მაგის მხრივ, მაგრამ მაგაზე არ მიფიქრია თამაშისას. მარტო მოგება მინდოდა მე და სულ ყველას… კარგი თამაში ჩავატარეთ, 3:0 მოვიგეთ და მგონია კარგი ნაბიჯი გადავდგით ამ ფლეიოფებზე.

• [ჟურნალისტის შეკითხვა] ხვიჩა კვარაცხელიას გადაასწარი გოლების რაოდენობაში, თუ გაქვთ ამაზე საუბარი, თუ ხუმრობთ რაიმეს?

ჯერ არა, მერე ახლა რომ შევალ ვეტყვი, რომ გაგასწარი და ვნახავ რას მეტყვის.

• [ჟურნალისტის შეკითხვა] გულშემატკივრის ემოციებზეც რომ გვითხრათ?

მადლობა მინდა გადავუხადო, ამდენი ქართველი, რომ ჩამოვიდა, ახლა კიდევ ერთი თამაში დაგვრჩა სახლში უნდა მოვიგოთ ეგეც.

ავტორი
მარიამ ხაჩირაშვილი